ابني منيو مطعمك الرقمي في دقايق، واطبع QR مطعمك على كل ترابيزة. الزبون يمسح ويشوف الأصناف والأسعار والصور على موبايله — وإنت تعدّل أي وقت والتحديث يوصله في نفس اللحظة.
مش محتاج تطبع منيو كل ما الأسعار تتغير. عدّل من لوحة التحكم وكل الزباين يشوفوا التحديث فورًا على موبايلاتهم.
🍕 بيتزا ماما
المنيو الرقميالمنيو بأقسامه
من المنيو الرقمي للإحصائيات، منيو هات بيوفرلك الأدوات اللي تكبر بيها.
ضيف أصنافك بالصور والأوصاف والأسعار في أقسام واضحة، أو ارفع منيو مطعمك ملف PDF ويتقسم صفحات لوحده. واختار شكله: تفاعلي (من باقة متميز) أو كتاب بيتقلب أو صور. وفي كبار الشركاء، تقدر تقفل الطلب وتخليه «منيو عرض بس»
كابتن أوردر، اطلب الحساب، وسلة مشتريات — الطلب يظهر على لوحة تحكمك في نفس الثانية
اعمل مكتبة إضافات مرة واحدة واربطها بأي صنف. الزبون يدوس على الصنف يشوف كارت كبير فيه صورته ووصفه وأحجامه وإضافاته، والسعر بيتحسب لوحده. مع المنيو التفاعلي من باقة متميز
انشر عروضك للزباين على المنصة، واربط العرض بصنف من المنيو يتضاف للسلة على طول بسعره، وضيف للعرض إضافات بسعر خاص زي «البطاطس مجانًا مع العرض»، وتابع اللايكات والتعليقات على كل عرض من لوحة التحكم
أول ما تنشر عرض، كل الزباين اللي مختارين مدينتك يشوفوه في نفس اللحظة، بصورة العرض واسم مطعمك، والضغطة بتوديهم على عروضك
كود بشروطك — نسبة أو مبلغ ثابت أو توصيل مجاني، بحد أدنى للطلب ومدة للتفعيل، وتحدد يستخدم كام مرة وكل زبون كام مرة، وتوقّفه في أي وقت
تاب لوحده لصور المكان والأكل، والمنيو الكتابي يفضل هو المنيو الحقيقي. ميزة كبار الشركاء
عدد الزيارات , الطلبات , الإلغاءات , الإيرادات , تقييمات , تعليقات , الأكثر مبيعا , الأعلى تقييما , الأقل تقييما ,,, و إحصائيات مفصلة تساعدك على إتخاذ قرارات سليمة
الزباين يقيّموا تجربتهم وإنت تردّ عليهم من لوحة التحكم وتبني سمعة مطعمك
نظام ذكي يمنع الطلبات الوهمية ويحمي مطعمك من الخسائر. والأسعار محمية كمان: السعر بيتحسب من المنيو عندنا، مش من موبايل الزبون
اعرف مين غيّر سعر، ومين قفل صنف، ومين ضاف عضو للفريق، وإمتى. لصاحب المطعم في كل الباقات
مش محتاج إعلانات ولا ميزانية — أدواتك جواها اللي يوصّلك لزباين جداد ويرجّع القدام تاني.
أول ما تنشر عرض، الإشعار يوصل لكل الزباين اللي مختارين مدينتك، واللي مختارين المحافظة كلها، في نفس اللحظة. وفيه اسم مطعمك وعنوان العرض وصورته.
تعمل الكود بنفسك وتختار نوعه — نسبة، أو مبلغ ثابت، أو توصيل مجاني، أو نسبة بحد أقصى — وتحدد الكود يستعمل كام مرة بالكامل وكل زبون يستفيد منه كام مرة. والخصم بيتحسب قبل الخدمة والضريبة، وتقدر توقّفه من غير ما تمسحه.
حدّد مناطق توصيلك ورسوم كل منطقة، والزبون يختار منطقته والرسوم تتحسب لوحدها.
ضيف الكاشير والمدير، وحدّد مين يعدّل المنيو ومين يتابع الطلبات بس.
حرّك الأقسام والأصناف بالسحب والإفلات، وحطّ اللي بيتباع أكتر في الأول.
أول ما الطلب يوصل، الإشعار يوصلك في نفس الثانية، فمحدش في الفريق يفوّت طلب.
اربط رقم واتساب بيزنس بتاع مطعمك بالربط الرسمي، والطلبات توصلك عليه.
اربط بوت تليجرام لمطعمك، والإشعارات توصلك على تليجرام.
ضيف رقم مشرف ياخد نسخة من الإشعارات، فلو إنت مشغول حد تاني يلحق الطلب.
طلبات الكابتن والحساب والسلة والعروض، ولو الزبون لغى طلبه.
تقييم جديد، وعرض قرب يخلص، وكود خصم خلصت استعمالاته.
حد غيّر الأسعار (في رسالة واحدة مجمّعة)، وعضو اتضاف للفريق.
ومفتاح لكل حدث: تقفله مرة واحدة يتقفل على كل القنوات.
أنظمة الكاشير بتحاسبك على كل مستخدم أو كل جهاز. هنا الكباتن والكاشيرات اللي تضيفهم مالهمش رسوم زيادة فوق باقتك.
بياخد الطلب من على الترابيزة بالتابلت: يفتح منيو الصالة، يختار الأصناف، يكتب رقم الترابيزة ويبعت. ومايشوفش غير طلباته هو.
بيدير الطلبات كلها: يشوف طلبات الكباتن وعليها اسم صاحبها، يقفل الطلب، يكوّن طلب تيك أواي أو دليفري، ويقول على صنف «خلص» في ثانية. وفي كبار الشركاء تقدر تحط أكتر من كاشير، وكل كابتن طلبه بيروح لكاشيره.
كل شيف مربوط بمطبخه، ويقفل الأصناف اللي خلصت من عنده بس. ميزة كبار الشركاء.
ضيف اللي انت محتاجه من الكباتن، وحساب باقتك ما بيزيدش.
توقيع الكابتن أو الكاشير بيوصل مع الطلب، فتعرف مين عمل إيه.
الكابتن ما بيدخلش على الأسعار ولا الإحصائيات ولا بيانات المطعم.
الميزة دي في باقتي متميز وكبار الشركاء. شوف الباقات
نزّل برنامج الكاشير المجاني على كمبيوتر المطعم، واربطه بطابعتك المتثبتة. الطلب يوصل، والورقة تطلع.
أول ما تراجع الطلب، ورقته تطلع على الطابعة من غير ما تفتح أي نافذة.
المشويات في ورقة والمشروبات في ورقة، وكل ورقة عليها رقم الطلب ومكانه.
الأصناف والأسعار والرسوم وبيانات العميل، جاهزة تتسلّم مع الطلب.
أي طابعة متثبتة على ويندوز، حرارية أو عادية. مفيش أجهزة ولا تعريفات خاصة.
البرنامج بيبلّغك لو طابعة اتفصلت، قبل ما ورقة طلب تضيع.
المشويات على طابعتها والحلويات على طابعتها. ميزة كبار الشركاء.
ويندوز — مجاني مع أي باقة فيها طلبات، وبيحدّث نفسه.
الطباعة بتشتغل مع الباقات اللي بتستقبل طلبات: متميز وكبار الشركاء. شوف الباقات
من غير عقود ولا بطاقة ائتمان. اختار الباقة اللي على قد مطعمك — والاشتراك السنوي في متميز وكبار الشركاء بيوفّرلك شهرين.
الترقية بتتم بالتواصل معانا على واتساب — كلّمنا
لأ، مجانية للأبد. بتاخد منيو صوري ورمز QR وصفحة مطعم على المنصة من غير أي رسوم، وتترقى وقت ما تحب.
لأ. التسجيل مجاني تمامًا، والترقية لأي باقة بتتم بالتواصل معانا مباشرة على الواتساب.
الطلبات بتظهر لحظيًا على لوحة التحكم، ولو ربطت رقم واتساب بيزنس بتاعك بالواتساب الرسمي أو تليجرام بيوصلك إشعار بكل طلب على رقمك فورًا.
أيوه. من باقة متميز و كبار الشركاء تقدر تضيف فريق عمل كامل وتحدّد صلاحية كل واحد: مين يعدّل المنيو، ومين يتابع الطلبات، ومين يشوف بس.
نزّل برنامج الكاشير على كمبيوتر المطعم وسجّل دخولك، واختار طابعتك من إعدادات البرنامج. الطلب يوصل والورقة تطلع لوحدها لو فعّلت الطباعة التلقائية، أو بضغطة زرار. من غير البرنامج، الطباعة بتشتغل بنافذة الطباعة العادية في المتصفح.
ارفعه زي ما هو من لوحة التحكم، وبيتقسم صور لوحده على حد عدد الصور في باقتك.
مفيش تطبيق و لا PDF محتاج يتحمل ولا حساب يتعمل. الزبون يمسح الـ QR بكاميرا موبايله والمنيو يفتح على المتصفح على طول.
كلّمنا على واتساب وإحنا نساعدك تظبّط منيو مطعمك ورمز الـ QR كمان و بألوان مطعمك
سجّل دلوقتي وابني منيو مطعمك، من غير بطاقة ائتمان ولا تعقيدات
سجّل مطعمك مجانًا